New Zealand - Gannet Beach Adventures

Gannet Beach Adventures 是在 Hawkes Bay, Cape Kidnappers 睇雀既一個 local tour.  Gannet - 睇返中文原來叫塘鵝, 對同 d 雀唔係好熟既我地... 總之就係睇野生雀啦~~!! NZ$38 一位 (HK$250) 

今次去 Napier 其實主要目的是去這個 Gannet Beach Adventures. 每年約 9-4月才會有 tour 出發, 因為主要是要去睇 Gannet, 所以當佢地唔向度既時間係無 tour 出發的。不過即使季節岩都未必有 tour 出發架, 個 tour 由於要向個海灘度行車，每日都只可以向退潮時, 時間岩先可出發，所以每天出發既時間都不一樣, 要跟返個 timetable, 建議大家要上佢地個 website 睇左資料, book 左先好去。當日我地去個團都幾多人架，一場去到無得睇就無謂啦~

全團大約是 4小時，是很特別的一個 tour。自問去過的地方不少，這樣的一次經驗也是第一次呢~ 坐的是一卡可容下約 15-20 人既 trackor , 其實架車幾好坐幾好玩架。車身好高, 個大轆好大個~~ 架車係可以安全咁向個沙灘度行, 司機哥哥仲會特登同你地落下水玩咁。向個海邊度邊睇景邊吹風真係好爽!! 沿路出發去 Gannet 既居住地時已經有好多野睇。講解既 guide 仲會講埋 d 岩石係點形成，完全係 geography field trip 一 樣!! 同行的朋友不禁話「其實 geography 應該係要咁上的」可以從岩石睇到果陣地震過, 真係幾震撼! 個崖邊咁高咁望上去.... 好壯觀呢~!! *值得一提的是... 因為太多雀了, 所以好大陣雀屎的味道, 雖然景好靚, 但好臭呢... ^_^"

咁岩我地當日既時間係接近日落時間，所以仲可以睇埋日落添!! 個 trip 又抵左!!

	Office 有架迷你 icing sugar 版既 tractor, 俾七仔就岩哂!!
以前大地震留落既痕跡
Tour owner 今次帶埋自已三個女出埋隻狗出 trip, 隻狗狗好興奮咁帶路
沿途都有唔少奇石	開始見到有 Gannet 喇
	上到去真係有好多 Gannet
開始日落

超低價爆裂甲油

紐西蘭無意中執到的平貨!! 

無聊去行街, 去到 Warehouse 無意中見到少量貨品清貨大減價

當中我最注意既當然係甲油的部份啦~

眼見比平常高價錢的爆裂甲油都只係 NZ$5 支, 仲有黑藍銀紅白咁多色!! 本身深色比較多的我就入了紅跟白色試試。

同行的朋友仲係咁話 「好平呀」 咁... 

不以為意的我返到屋企先醒起自己換慣英鎊, 所以乘左 15, 以為係港紙 $65 左右, 已經覺得好抵................. 哈哈哈~~ 紐紙係應該乘 6.5 之麻!!! 咁咪姐係 HK$35 都唔洗!!!!!!!!!!!!!!!!!!!!!!!!!! OMG!! 早知買埋藍色, 同多支黑色!!!!

可惜平野真係去得好快..... 再返去已經無貨了...... 

圖為試色... 在原本的朱古力色上, 加塗了紅色的裂紋

New Zealand - Napier

紐西蘭原本是全世界第一個見到日出既地方, 但自從 2011 年條 international date line 劃埋 Samoa 之後, 紐西蘭就再唔係第一個見到日出既國家了~ 不過其實去到現場我地當我地係睇緊 first sunrise of the day!! 呵呵~ 今次我地住既地方向正個沙灘隔離，順理成章大家就 set 定鬧鐘起身睇日出! 向個沙灘就等日出其實都幾好 feel, 我地幾個仲要唔係唯一既一班人呢~

每個地方都總有個高處望落黎睇景既地方，Napier 就有 Bluff Hill Lookout 喇~

Classic Sheepskins – 羊毛製品工場。向呢度買真係平過出面好多!! 仲有少量既次貨以好低既價錢出售。但佢次貨得黎，我地睇左好耐都睇唔出佢地到抵「次」左向邊度…. 所以呢 d 次貨真係好抵買!! 呢家工場每日都有2場免費參觀，佢地會帶你向個工場度行個圈，同你講解下做羊製品既過程同工序。好有趣。原本見到對 boots 好想好想買… 但係返到黎香港咁熱又好似用唔著，最終都係無買到~ (*工場參觀, 好多好多羊毛氈呢!!!)

Tannery Tours: Mon-Sat, 每日 11:00 及 14:00



推介一下於 Tennyson Street 的一間餐廳，好正呢!!! 第一晚因為太夜，好多地方都已關門，選擇不多的情況下去了這家 Mister D Dining 晚飯，真係好好味呢!! 第二晚再黎 encore 這家~ 這次是第一次去一個地方旅行而晚餐既地點係重覆的! 呵呵~~ 同行的大家也對這家餐廳讚不絕口。下面呢個 Risotto 真係好正呢!!!



唔似得香港既忙碌生活，人地既親子活動係釣魚

Napier 有很多 Art & Craft 小店

Napier 附近的 Havelock North, 有間出名的蜜糖專門店 Arataki Honey. 店內有各式各樣既蜜糖俾客人試。幾欣賞佢既試既方式係用有 bump 既樽裝，俾膠羹你可以 bump 出黎試。衛生得黎又可以重用呢個羹, 幾好~~ 呢間 Arataki Honey 確是買手信既好地方呢~~

New Zealand - A&P Show

上星期在 town centre 第一次見到 Alpaca, 今次我地打算去一年一度的 A&P Show. 這個是跟農業有關的展覽，任何跟 farming 有關的東西都會在這個 show 展出, 是個農業的大事件。每個地區每年都會舉辦一次，我地選左同我地附近的一個地點去睇 Manawatu A&P Show

其實呢個 A&P Show 有好多我地未見過既野, 有你意想不到的各式比賽, 各種動物的比賽; 有砍木比賽; Sheep shaving competition 剃羊毛比賽; 亦有唔同的動物買賣。俾左入場費之後，場內的的各樣 show 都不必再額外俾錢。

不同農場帶出來的 Alpaca 準備好比賽, 會比毛色, 健康等等... 就好似平時見到既狗展咁啦。仲會拎佢地既毛黎作評分。有 d farm owner 拿了幾隻 Alpaca 黎俾你地帶佢行個圈，仲任攬唔嬲呢! 草泥馬的毛質比起羊黎講真係 soft 好多, 所以製成品亦相對地比較 soft. 本想搵下有無 Alpaca 毛冷賣, 可以自己織頸巾，問左幾個 owner 先知原來 Alpaca 的毛出既毛冷其實只有好少，所以無大公司出產 Alpaca 毛冷，行哂成個 New Zealand 都只係得一兩間店有全 Alpaca 既毛冷賣。Farm owner 話，因為產量唔多，所以 d owner 多數會自己織左 d 成品出黎賣。現場都見到有婆婆向度織呢~~ 所以草泥馬的產品相對地比羊既都要貴，因為太罕有了~~ *多次跟草泥馬接觸的經驗，其實佢地係好溫馴既動物，但唔可以摸佢條頸呀

  

打馬鐵比賽!

提供免費的傳統馬車俾入場人士遊一圈

最新奇既莫過於 Wood chopping! 仲有唔同 style wood chopping. 個個參賽者都好大隻。我地出去到去個看台諗住佢地好似差唔多開始比賽所以坐低睇。但原來 set up 係要 set 好耐架! 等左好耐都仲未開始比賽。因為佢地要固定舊木向個架度, 等到比賽開始..... 30秒就 KO 左!! 但預備左起碼半個鐘囉!!! 哈哈!! 結果我地只係坐低睇左兩場賽事。仲有分單人 雙人組添~

Sheep shaving 呢個係 A&P show 既主打項目。起碼係我地黎既主要目的啦~ 各個 farm 派出自己代表參賽。分別會計時, 整幅羊毛剃完既完整度等等。睇左大會既時間表準時黎到看台坐低等睇比賽。左手邊有一大群羊羊黎度預備了來比賽用，有參加者坐我地隔離，佢地好 pro, 有自己既一 set 私家刀!! 好似髮型師咁!! 台上每個參賽者都有個評審向隔離睇住。似乎呢個比賽係佢地 shaver 黎講好重要既一樣野黎呢~~

場地亦有放置小量的機動遊戲，好像嘉年華咁好多野睇~

呢個 show 好值得去, 可以接觸到好多平時大家接觸唔到既野，有時間我諗我會去多次呢~~~