近排好多身邊既人買樓, 睇樓等等，令我想紀錄返當時買這裡的過程及經歷。
第一次買樓，誤打誤撞回到了大圍買樓，沒想到在現時的價位竟然俾我買到大圍區。
2016年到而家，不知不覺就住了 5年的時間。真係快活不知時日過! 亦即係話兩隻貓貓都陪左我 5年了~
第二次的置業終於 finalise 搞點哂所有野，爸媽也似乎住得幾開心~
原本是見自己本身的單位升左咁多，想加按套現，買個 $200萬樓下的唐樓單位用作投資，諗住唔使俾印花稅，成件事好抵玩好多咁~ 上網睇下 D 樓盤，又搵到 D 細村屋可以睇睇喎~ 再搵搵下原來去到偏遠少少，或大嶼山有 $3-400萬上下的村屋單位，或甚有700尺的單位! 計過條數，其實都可以考慮。反正最終目標是為家人找到個可退休及以後用的地方。
近年樓價升到痴哂線，新樓盤講緊 $18000-22000 尺!! 好在屋企人住開村屋都幾鍾意，村屋盤還有可以考慮的空間。所以就開始睇下唔同區分的村屋
沙田大圍區 - 市區既價錢 $12000+ 尺左右，價錢唔岩我地
元朗 - 錦上路，近大欖隧道一帶，有好多單位，岩價，去睇左好幾個單位。每次去睇樓我地都特登選平日的下午時份諗住無咁多人/多車，點知發現駕車入去既公路，不管是那條路那個方向什麼時間都會塞車! 以為如果日日都係咁就真係咪搞!! 及後想想，近大欖的如果每次出入都行隧道，一來一回成 $100 真係太貴。若然唔近隧道，即使駕車都要好長時間。所以最終否決左元朗。
大埔 - 價錢都係俾我地預期的高。及因為大埔&粉嶺都在東邊，離機場有點遠~ 不過都睇左間在太和附近的，步行到地鐵，價錢仲好抵 $450 中層。但係入到屋真係買唔落手，間屋漏水問題勁嚴重，仲要兩邊都貼住隔離屋，所以基本上係無得整。所以即刻否決左。
龍鼓灘 - 第一次去睇果陣個 agent 介紹緊新樓，但要收成 3% 佣，即刻唔想買。加上中層，並唔係我地首選。睇左近半年樓，全家都四周圍留意，最終是有 agent 通知媽媽睇一個龍鼓灘的單位。原先開價比我地想要既高太多，不過聽聞屋主移民，估計賣左好耐都未賣到，所以肯減價，最終減左 50萬成交。
到左而家已經成住左差不多半年，地點係有少少遠，但揸車的話其實又幾好，因為唔洗點停燈，又唔會塞車。出市區其實都係半個鐘左右。入伙無耐屋企人經常與屯門/元朗區朋友們聚會，哈哈~~ 多左個花園大家都好開心有個聚腳點。爸媽亦樂得有個花園好好用~~
