Trips 2019

1 月 沖繩

突發香港航空減價沖繩 $1400 真係底到爛。剛剛既夏天才去過沖繩，但這次可以冬天去多次都唔錯~ 睇到鯨魚及有剛剛開始開既櫻花山喎! 仲有得去返上次去到無位果間餐廳 讀谷物語 好好味呢~~

2 月 英國

上年 11月才返過一次英國，本身無諗住咁快又返去，只是咁岩有同事話佢打算請假去探家姐，自駕遊喎~ 有人駕車又幾好喎，咁就同公司講如果可以兩個一齊放到假咁就一齊出發啦~ 結果就一齊去左咁多地方喇~ 辛苦哂駕車既同事了~ 第一次去 Lake District 及難得地英國好天氣呢~ 去程飛機仲少人到 econ 少人過 business 大家齊齊打橫訓!!

3 月 大阪 和歌山 白濱

舊朋友聚舊之旅 某日講起原來未試過 4個一齊出 trip, 咁就即刻定日子搵地方去了。4個女仔又有個朋友識日文，所以首選便是日本了! 飛關西主要是因為飛機班次多，4個人不同時間出發及回程都可以安排得到。不過今次真係幾誇張,。朋友一號朋友要放底個女出發；朋友二號因為無大假，要3日兩夜快閃；朋友三號及我算是時間最長既兩位了~ 不過相識 25 年既快閃旅行真係唔錯呢~

4 月 河內 美國

這趙美國原本是去朋友的婚禮，但在未 plan 行程之前除夕夜有個國泰既 bug fare 用到 econ 既價錢買到 First Class 既機票!!! 嘩! 仲唔即刻 book 左佢先呀! 呵呵呵~ 所以才會去了河內再從香港轉機去美國。後來才發現原來在 San Fran 住既朋友婚禮在東岸，所以就主打東岸、及經 San Fran 探下朋友

5 月 台北

上次同樣既腳去旅行已經是 2012年去北京既時候，對上那次只得 4 個大人，今次多了小朋友。趁著小朋友放假兩日加佛誕假期，快閃了 4 日台北，主要都是食食食食!! 包左車今次真真正正去多次猴狪貓村，真係個貓奴既好天地呢~

6 月 富士山 名古屋

原以為 6 月開始要返 office, 但又出左更表要繼續返工喎~ 咁又掉多幾日去多個 trip 先囉~ 近近地日本可以自駕同屋企人去最方便。所以定左去富士山~ 今次換 mileage 出發。一口氣換左 4 個人既機票，去程日航，回程 business。運氣唔錯，都叫做見到富士山，仲可以去埋 Legoland 添!! 呵呵

9 月 福岡 阿蘇火山

諗住返 office hour 之前去多轉!! Asiamiles 換左我地雙人去福岡~!! 上次飛福岡向東行去了別府，今次向南行去阿蘇火山!! 可惜阿蘇因為早年爆發後未開放，所以最終都上唔到山，只能夠在山腰睇下風景。不過日本飲飲食食總是不錯的~

12 月 首爾

返緊 office 的日子，原以為無得飛主，點知可以連到 12月既聖誕假可以去個聖誕 trip~!! 原本諗住撞正聖誕會好貴，原先打算 Asiamiles 換到去邊就去邊，點知同男友屋企講起結果同埋佢地一齊出發~ 哈哈~~ 撞岩呢排又吹緊風，香港航空可能會執笠，搞到佢地機票好平喎~!! 一星期前 book 既機票，都係 $2800一位，以聖誕來說真係算平。之前睇 HK express 都要 $6000 未包行李!!

千島湖觀景台

Date: 2019年 12月 8日, 2020年 1月 5日
Time: 4 hr / 2 hr
Elevation: 200m

千島湖觀景台是 2019年新出現的觀景台，所以 2019年秋天開始其實勁多人去。我地都短時間內去了兩次，加上位置可以從唔同方向進出，非常方便~

	上到半路已經見到千島湖景
入口處指示牌	用颱風「山竹」之木而建既樓梯
	大堂伯公廟
分岔口, 睇下你想行邊條線 大棠: 最短之離開路線	第一次行左落大欖水塘, 沿水塘行, 再落深井。沿路有好好 feel 既竹林
第二次行經另一邊上山

下城門水塘

Date: 2019年 11月 30日
Time: 2 hr
Elevation: 200m

下城門水塘景色唔錯, 水塘景、城門峽、在城門隧道下、最後往大圍路段更是行得好舒服~~ 地圖分開了兩 part 因為在 google map 並沒有路，但事實上該處正是城門隧道中間之分段露天位置，在城門峽下有條鐵橋可過河

下城門水塘 水塘 - 大圍

超點: 和宜合道, 梨木樹商場對面樓梯上	沿路上
	路過既牛牛
城門亭	仲有馬蹓仔
城門水塘主霸	旁邊望過去水霸
	沿樓梯而下, 望落都幾長
呢度爬落去	其實唔係好高
左: 我地沿山路樓梯下 右: 城門水塘主霸樓梯 (但應該唔行得)	城門峽
城門峽	城門峽
城門峽	城門隧道
回望城門水塘
	城門河
下城門水塘主霸