Starlight Express

記得應該是第一次的 Musical 便是升中暑假在美國看的 Starlight Express. 那時的英文唔好，以跟本就唔知個故事的發展是什麼，對這個 show 的印象是那幾句歌。今次去看才知道這個故事的 storyline~~

第一次在香港睇 musical, 去到才知道原來有 3D 情節!?? 由於場地實在是太細了，比賽的場景實在是沒有地方可以做到，唯有播 3D scene..... 真係 O 左咀............. 除左呢個扣左分，其他的部份都做得唔錯。只是故事過於簡單，所以沒什麼太多的情節可言。

Musical 這樣東西還真是50年不變，沒想到今天的我再看多一遍還是對曲目有少許印象.... ^_^

Half Price Pizza Express

8月5-9 這幾天，去了銅鑼灣新開張的 Pizza Express
做 promo, 著間條的客人都可以 50% off!!!
三個人, 結果 order 了 3個 starter, 1個 pizza, 1個 pasta, 另加飲品.
埋單都只係 $330!! 真係好抵~~

點解係間條? 原來 pizza express 廚房 staff 都係著間條, 呵呵 去左咁多次都唔知道添~~!

最愛既 Salumi platter 同麵包球~~!!

Euro Centrale 系列

今次的大減價連 OPI 都有~!! 原本諗住平時買開 $5x-$7x 一支, 其實都唔會正價買... 正價 $110 - 15% -10% 都要 $85

點知今日在等朋友回覆閒逛時就衰左向佢手上~~!!!!

之前見到的 Euro Centrale 系列!!! 很特別的紫及綠色, 還有找了很久想找的保藍色!!!! 找了很多不同牌子都沒有的保藍色!!!!!!!!

$330 -15% -10% = $252 

平均一支 $6x 所以都 ok 啦!!

另外仲有支 18k, 減價後約 $180, 真係心郁郁...........

甲貼初試

剛做好 22/7

第一次試用之前淘回來的甲貼, 因為是第一次用, 所以選了個比較無咁仲意的樣式~

第一次貼有點緊張... 嘻嘻

貼的過程其實很快, 一定比平時塗兩三層甲油, 等乾的時間快

甲貼有點彈性, 所以指甲左右兩邊並非完全直線的地方可輕輕拉拉, 令甲貼唔會出界. 

Base, 貼, Top coat, 非常方便快捷

唔知係咪平野既關係, 加上 Topcoat 塗得唔夠多, 右手甩得好快 只係3-4日已經開始甩甩地. 由於第一次試的關係:

- 右手的中指故意沒塗 topcoat 去試試甲貼本身的耐用性有幾好. 沒 topcoat 的除沒有光澤外, 甩的情況的確是比較快. 

- 右手其他手指 topcoat 塗得比較薄, 加上自己右手做野比較多, 所以甩得比較多, 尤其是食指

- 左手 topcoat 比較厚, 有少量 fading 但並不太嚴重

5 days later 左手

5 days later 右手

總結

1. Topcoat 真係好重要~~ 無輪你用咩甲油或貼都好

2. 睇下有無機會試下貴野會否效果比較持久?

3. 才幾蚊一張, 又多 pattern 選擇, 可以用到 4-7日, 你仲想點 (人仔 5 蚊張, 當佢計埋運費都係頂多 $8-10 張)

Nails Inc London

經過上次向中環的快甩事件, 才更加覺得自己隻 topcoat 原來真係好得. 

難得幾得既英國貨!

剛岩見到朋友將返英國, 立刻拓友人買 Nails Inc. 上網見到原來 Nails Inc 出左好多特色甲油, 亦順帶麻煩朋友買了. Denim effect 及 Leather effect 真係好期待!!

回港差不多兩個月了, 都仲未的起心肝整理紐西蘭的相片~~!!!
因為實在是太多太多相了!!!!!!!!!!!!!!!!!!!!!!!!!!!!!

加油~!!

紐西蘭 - Mt Cook 行山日

這次跟家中6位長輩同遊紐西蘭咁多日，安排了這個行山的半日行程。

大家可參考 New Zealand Department of Conservation website 佢地有完善既介紹，包括全程需時，沿路風景介紹，行山徑的難度級別，甚至連廁所位置都話埋俾你知。再加上紐西蘭部份行山徑是圍著火山而行，所以出發前更加要 check 下近期有沒有火山活動，如有的話，部份路段可能會封路。小提示：website 內的行程時間，我地行過好幾條唔同的 route, 發覺佢果個時間係要神速先可以做到。即是 suggested time 係無遇你停低休息，影相等時間。而我地亦計過，即使我地係唔停咁行，都要快速行先會行到佢官網個時間。我自己跟幾個年青朋友行的話都無可能向佢個 suggested time 時間完成。所以建議大家預多起碼30% 時間啦，咁樣先可以真正咁 enjoy 個景。(即官網寫話要 3小時的行程，唔預停下來的休息時間，預計要4小時)

六位長輩向香港每年只會行到一兩次山，呢條 Hooker Valley Track 係入門級，岩哂佢地行。官網寫需時來回4小時，我預足5-6小時 可慢慢睇景同影相。前一日 pack 定小量糧食，有水果，粟米等，沿途無補給。(但係有清涼山水補給 ^_^)

預了一早出發的關係，之前一晚在 Mt Cook 租了住的地方。Aoraki Court Motel 每間都好新正，但因為附近沒有 supermarket, 連士多都無架，所以一早預好買了晚餐及早餐的食物。入 Mt Cook 一定要經過 Lake Pukaki, 重點 - 在 Lake Pukaki information centre 可買到 Mt Cook Alphine Salmon!! 一定一定要買呢!!!!!!!!!!!! 三文魚又平又鮮, 仲要對住呢個景黎食...... 食景都夠啦! 所以之前一晚向 information centre 買完即場食完之後，再買左一大條用黎作刺身晚餐 ^_^

夏天的 Mt Cook

遠望 Mt Cook

Alphine Salmon

店外有張台可以坐低 我地既開餐地方

夜晚忍唔住影左張星河 可惜無腳架

前一晚的住宿 後面便是 Mt Cook

入口的 Information Centre

出發!!!

一早起來行車不久便到達停車場去到入口處，向 tourist info centre 行個圈，睇多次有無特別事項要注意就出發了。哈哈 向香港都未試過咁齊人去行山呢。天氣如常地好好，三月的早上都仲有d 涼，佢地怕凍所以著哂羽絨上陣，但邊行仲有雪山吹過來的涼風，大家行到咁上下都開始除褸喇，呢種天氣溫度行山真係一百分。可能因為南北半球的氣候唔同，沿途見到的植物都唔一樣，整體景色的感覺很不一樣。向著雪山的內湖進發，開始見到河水，但唔係清澈既水，係奶白水灰色既水。聞說因為有唔同的礦物質所以顏色不一樣。中途有兩條吊橋，有牌子寫著Maximum weight, 各行山人士都會數數橋上人數才過。其間見到有日本行山團，有團長一路介紹見到既植物，日本人都幾仲意出團去外國行山呢。不過佢地似乎時間唔夠，所以行唔到去最尾便返轉頭了。

第一條吊橋

日本來的行山遊客

吊橋二

行到去尾係個 Hooker Lake 冰川形成既湖，雖是夏天但都有少量的大冰塊在湖上呢~~ 對住呢個景，食我地既 refreshments! 可以向個咁好既環境下行山真係好幸褔呢 ^_^

這次的終點 Hooker Lake

少量的冰川冰

沿路都有的指示/警告牌

阿努亞圖 - Mele Cascades

另一個必要去既景點係 Mele Cascades. 島上一個著名的瀑布。車只可以去到山腳的地方方，跟住 tour guide 行上去。沿路都有駐場既 staff 向度睇頭睇尾。前半段都仲有舖好既路同設施, 再上 d 就無喇~ 一過都會有拉好既繩俾你扶下。久唔久都會有個 staff 向度幫下你手拉你一把~~ 幾唔錯噃 ^_^

狗狗玩水玩得好開心

其中一段路

瀑布下可玩水既地方

早睇資料知道可以在瀑布下玩水，所以大家都一早著左泳衣打底，一除衫就可以落水。水係好乾淨，加上行完一陣可以滲下水真係好爽呢~!! 冰凍的山水!! 好正!! 大家若果怕蜘蛛的話就要留意一下，始終係郊外地方，水邊都有幾多蜘蛛~~ 但因為周圍又太多爸爸級人物向度, 所以 d 小朋友會叫先過我, 我就唔使驚~~ 

瀑布下

團長隻狗狗好醒目，不停咁幫我地開路, 平時見 d 狗狗係追網球, 呢隻係追椰子架!! 團長隨手向地方拾左個椰子拋到好遠，狗狗就追上去再向拾到椰子既地方等主人.

沿路要澗水行上去個瀑布度，原本人字拖，但濕左水好似仲 'sin' 腳, 除左鞋仲好行。D 大石只要唔行向有青苔既地方其實唔 'sin' 果 D 細細既坑洞做左天然既防滑，所以赤腳行好舒服!

今次都係跟 local tour 出發, 但去過之後發覺其實唔跟都可以, 不過我一個人既交通費可能同 join tour 差唔多，所以都可以接受啦。大家如果有幾個朋友一齊去的話可以自已去都得呢~~ 

阿努亞圖 – Port Vila

中午時份從 Tanna 返到 Port Vila，返酒店把東西放好就出去周街行。介紹一下 Port Vila 的各種特色

Land Diving - 阿努亞圖某村落的傳統成人禮。從高空竹棚綁著腳跳落黎，跳到落黎越貼近地下的便越有勇氣。睇資料仲話 Bungy jump 其實都係由佢 inspire 出黎既運動。時間關係無去睇，加上感覺好像好危險咁呢 ^_^"

Market 見到的椰子蟹及之後向餐廳食既, 食果隻大概係 market 呢兩隻既中間 size 啦. 成個餐埋單 4250vatu (HK$360) 椰子蟹係當地特產, 即使當地都未必間間餐廳有得食。雖說是蟹, 但係唔落水的, 係會向地面生存, 食椰子既蟹。蟹肉好「唉」, 但真係好有椰子既味道, 感覺好得意! 個殼都幾硬，要搵佢個工具先食到呢。

阿努亞圖紙幣 (1000VUV = 78.5HKD) 在機場等上機走的時候剛剛好用利少許的 coins, 向間小店見到個 pin 幾靚諗住買啦... 點知唔夠錢喎! 店員好好咁話 It's OK 咁就俾我拿走左個 pin, 就係咁 d 錢岩岩好用哂 ^_^

Market 入口	Market 的各式各樣 價錢是直接寫向個生果既面, 我諗買得多都可以講下價既. 有 d 檔口有買數量比較少既, 買左個椰青飲, 睇見我係遊客佢好自覺咁幫我開 哈哈 YEAH 上面個菜籃, 見到 d 大媽係咁向度織, 好勁, 好仲意呢個籃!!
遠睇好似好兇惡  但其實好可愛好 nice 既當地人	周街都係植物, 好多時會發現到唔同既果實。唔知呢棵係咩呢?
太多既魚	太多的珊瑚

逢星期五晚 7pm 在酒店附近既一間 Beach Bar 有個 Fire Show, 出市中心行完就返左酒店.. 無乜野做又走左去浮潛.. 寫 postcard 同寄 postcard。哈哈 無錯，無聊就去潛下啦! Postcard 小貼士，張防水 postcard 其實係膠面的，原本我問酒店借筆佢借左支鉛筆俾我寫，但無鉛筆鉋而支筆又唔夠尖，所以要寫得好大力，但都係寫得好辛苦。之後俾我發現原來之前搬屋拾野留低支 marker pen順手求其放左入個背囊度，呵 錯有錯著今次大派用場喎。所以黎阿努亞圖除左要帶泳衣之外，最緊要係帶 marker pen 寫 postcard!!

Hea 到差唔多夠鐘就坐船仔去個 bar 度食晚飯等睇 show。人越黎越多，又出奇地全部都係 Aust/NZ 朋友。嘩!! 仲有好多小朋友。似乎這個 Fire show已經成為佢地 weekly family & friends gathering, 因為全部人好似都係向度住既咁。加上當跳舞既時候大家係完全知道個 dancing schedule 係點而好整咁飛出去跳舞。之後仲撞到一齊去 Tanna Island 果 3 pair, 就齊齊睇 show 同飲野、發癲 ^o^ 整個氣氛真係好好，呢個 show 絕對係推介!! (IT'S A FREE SHOW!)

Getting ready	大家都等緊入黑睇 show
好精彩既 Fire show	個 show 一完, 班小朋友好齊咁衝出去!