Maow Maow: 阿努亞圖

阿努亞圖 - Efate Island

第二天的行程 join 了 local tour, Circle Efate Island. 其實就是環島遊。第一站就去到 Blue Lagoon, 原先上車只得幾個人，全團都是澳洲或紐西蘭的旅客。Blue Lagoon 原本話俾 30我地行下，其實地方很細行唔到咁耐，都係影下相啦。之前睇資料，知道其實可以跳落 Blue Lagoon 玩，但同行的兩 pair 都唔打算落水，加上時間咁少，所以費事要人等，原本我都唔打算落水。點知落車無耐影相影到一半，有另一架車一家6口黎 join 我地，話係同團架喎！事後問返，原來酒店 staff 英文唔好，同佢地book tour book 錯左日子，佢地向酒店等好耐都唔見架車黎接於是再問先知原來 book 錯左！跟住團公司就搵架車黎接佢地過黎 Blue Lagoon join 返我地。一家澳洲人，好 nice 好好玩，佢地一到第一件事就係除衫跳落水，好明顯佢地既主要目的係呢個！哈哈咁我地時間就多左，我梗係跟埋泰山式跳水啦！

感覺好正，爬上樹拿繩，跟住跳起，就會 fing 左個人出去。爬得越高當然飛得越遠同埋越高。上到去個感覺俾想像中高出去果下真係好正！第一次落水，乜d 水咸既？呢個唔係湖黎架咩？真係唔落水都唔知哈哈那一家人當中的爸爸係咁叫我行高 d 啦行高 d 啦~~~~ 但係我再行高 d 我拿唔到條繩架喇喎~~~!!! 鬼叫我人短...... 高既應該係可以 fing 到出 d 架~~ 大家有機會去一定要玩下~!!

全個島唯一一條大車路, 環島一圈	Blue Lagoon
就係呢棵樹落水	右邊的就是 fing 果條繩

就係用呢棵大樹黎 fing 喇~	落水後周圍影
可能而家遊客多左, 所以整左條梯俾人上返黎	場內的本地人技癢佢 fing 得超高囉!!

離開 Blue Lagoon, 就出發去 Eton Beach. 這個是真的沙灘了~ 其他好多的灘大多是有珊瑚, 所以向個灘上行會吉腳... 因為珊瑚好多會沖左上岸。這個 Eton Beach 海底只有幼幼的細沙, 但出奇地有大量的魚仔, 但全部都是保護色的, 好難找呢~~ 沙灘上有很多寄居蟹同唔同種類的蟹仔, 好過癮。同團的爸爸仲幫我拿左隻上水俾我影相~~!! 外面有個天然的堤壩, 把外面的大浪都擋住了，所以呢個灘並不大浪, 相反見到壩外係超大浪呢!!! Tour guide 在這個灘拿了點 refreshments, 再隨手拿了個 coconut 給我們示範椰子的多種用途。示範時仲好快咁倒左個椰子 d 汁!!! 我叫都叫唔住... 唔要俾我丫麻... d 洋人好似唔知鮮椰汁有咩好飲所以大家都無反應... 當地人見我嗌出聲.. 話哎丫總之俾你啦, 鮮椰汁係好好飲架~~ >o<


Eton Beach	水清沙幼

跟團其中一個節目就是去探訪 local village. 阿努亞圖似乎很多這類的 local village 係改左黎俾遊客參觀。村長同我地講解少許阿努亞圖的 history, 及國旗的意思.... 當然而家既我已經唔記得左... 呵呵..... 另外仲有佢地幾位細心演出既歌, 睇得出佢地唱歌時唔單只係為左招乎你地班遊客而唱, 而佢地好似都好 enjoy 咁~ 招乎你地入黎都係真心咁笑, 希望呢樣野可以繼續 keep 到落去啦~ 村長之後帶我地去外面少少的地方, 介紹左呢棵神樹。原來阿努亞圖有好多呢種好多年既神樹, 大家都會好敬重呢 d 咁年長既樹, 覺得佢地生長左咁多年係有靈性既~~ 因為落雨既關係, 我地好快就走左喇, 個 guide 話快 d 去下一個地點可以唔使我地淋雨喎~

Local Village

神樹

再黎就去第二條 local village, 又再俾我地 refresh 一下。好欣賞呢條村的所有建設都是村民們一手一腳建造的。屋頂的這個是我最喜愛的一環。只是用葉子折折下咁就折左個屋頂，仲可以防水!! 超勁!! 四周行了一圈，後面還有個太陽能發電版!!! 之後知道原來大部份的村落都係無電，所以好多都係用佢地國家最多的太陽來發電。成件事即刻型左!!


	屋後
屋內睇屋頂

下一站是 Ekonak Primary School. 其實是 tour 帶你去想你捐少少錢幫下 d 小朋友，整體感覺並不是很 hard sell 那種。落車是落大雨的關係，原本想要小朋友站在有蓋的走廊給我們唱歌，而車停在最近的地方好讓我們不用下車。但後來發覺好似唔係好 work, 所以最終將戶外的歌唱表演移到室內去。當佢地開聲唱.... 先知點解要向戶外唱... 因為佢地把聲太嚮了!!!!

LUNCH TIME!!! 去左一個不知名的地方，上了 lunch, 自助餐形式，有 local style 的食物, 就係椰漿加芋頭 (相中右下角白色果件), 其實甜甜地幾好食~!! 份量其實好夠既, 因為可以任你拿。插曲係...... 排隊拿食物時抬頭見到呢隻好鮮色既蜘蛛!!



	食Lunch的地方都是在海邊

值得一讚的是... 個廁所真係好乾淨!!!! 可惜我未變態到去完廁所返轉頭拿相機把它影低........ ^_^" 一個戶外的落後地方黎講.. 呢個廁所係月好多蜘蛛及四腳爬爬... 因為這是這個地方的特色, 但個廁所除左呢個之外真係乾淨到爆~ 點解其他的落後地方唔可以學下佢地呢!? 其實我 so far 向呢個地方去既廁所及其他地方整體黎講都係乾淨的, 所以落後的地方也不一定要係污穢呢~

行程另一亮點就係坐 Traditional Canoe, 睇落好似好唔穩陣咁, 但其實都 ok 架!! 坐住佢行左一圈都幾過癮架~ 想同個村民相，點知佢怕羞喎........... 架船係亦係村民自己整既... 哈哈好正, 好似乜都係當地人自己整既咁, 希望遲幾年唔會因為遊客多左而無左呢種原始的文化.....

World War II 時期美軍曾在阿努亞圖附近的海面註守，好像有飛機及船被打沉，所以當地人不斷打撈當是美軍的東西已經撈了好代。而主人就開了這個 World War II Museum. 其實這個地方並不算是一個 museum, 只能算是一間小小的木屋，放了他們一家在海中撈到的美軍殘物。其中最多便是可樂樽，可樂收藏 fans 應該會幾開心既，仲有唔同美國產地印在樽上。感覺並沒有係咁叫你買既感覺，主人家好像只是很高興及 proud of 佢地在海中找到的東西想跟大家分享而已~~