歌連臣角黑角頭碉堡

Cape Collison

Date: 2020年 12月 29日

Time: Return trip 1.5hr (我地全程約 2小時, 慢遊, 及慢慢影相)
Elevation: 100m 上/下

食完午餐才施施然出發，因太久無行山加上今晚返夜班，所以選擇了這條輕鬆路線。今次駕車去小西灣，泊在藍灣半島停車場 (平日日泊 $85), 所以來回都在小西灣。下次若然有時間，可以繼續行上砵甸乍山，或向南行去大浪灣。

離開停車場向左行去小西灣海濱花園起步，從藍色欄杆樓梯上，其實無分岔路所以龍躍徑一路行到歌連臣角道花園，再沿車路轉左向下走。

沿路仲有紅葉睇，涼涼地再加個太陽伯伯，簡直係最佳行山日子。中途有個應該是晨運人士自發的茶水位置。

歌連臣角道沿路落不久會見到白色建築，旁邊有條斜路可以行到去呢個二戰時期的英軍發電站。一場黎到當然去埋啦。約 5分鐘路程便到。

睇完發電站回頭路行返出大路，繼續向下行少少就會在欄杆位見到通住歌連臣角砲台的入口。入口處有條繩 (其實似係消防喉) 可以幫到手，只有入口處比較難行少少，接著便是石屎路及樓梯行到去目的地喇~~ 黑角頭碉堡。今日仲有人向度 Rock climbing, 帶埋兩隻狗狗一齊玩，好正呢!! 崖邊攀石好似好正咁!!!!